உ.பி.,யில் 3 ஆண்டுகளை நிறைவு செய்த முதல் பா.ஜ., முதல்வர்; யோகி சாதனை

லக்னோ: உ.பி.,யில் பா.ஜ., முதல்வராக 3 ஆண்டுகளை நிறைவு செய்த, முதல் முதல்வர் என்ற சாதனையை யோகி ஆதித்யநாத்(47) பெற்றுள்ளார். வரும் 19ம் தேதி அவர் 3 ஆண்டுகால ஆட்சியை நிறைவு செய்கிறார்.

உ.பி.,யில் கடந்த 2017ம் ஆண்டு நடந்த சட்டசபை தேர்தலில், 403 இடங்களில் 312 இடங்களை பிடித்த பா.ஜ., ஆட்சியை கைபற்றியது. யோகி ஆதித்யநாத் 2017, மார்ச் 19ல் உ.பி.,யின் 21வது முதல்வராக பொறுப்பேற்றார். யோகி பொறுப்பேற்ற ஓராண்டில் நடந்த இடைத்தேர்தலில், பா.ஜ., கைவசம் இருந்த 3 தொகுதிகளில் பா.ஜ., தோல்வியடைந்தது. தோல்வியிலிருந்து பாடம் கற்று கொண்டதாக யோகி தெரிவித்தார்.